कौन सी ने मार दियौ री टोना, kaun si ne mar diyo ri tona
कौन सी ने मार दियौ री टोना,
मेरो मचलो श्याम सलौना।
भूल गई मैं ने दियो न याके माथे बीच दिठौना।।
रोय रोय रुदन करै मेरो बालक तोर दियौ है खिलौना।।
कौन. दूध न पीवै लाला दही न खावै लेय न माखन लौना।
नहावै न धोवै याने सुधि बिसराई मचल गयौ मेरौ छौना।।
कौन. पहले ही समझायौ लाल इन सखियन संग नचौना।।
या ग्वालिन की नजर बुरी है बरजे ते मानै ना।।
कौन. राई नौन उतारौ लाला पर और धर दियौ ठौना।।
ठुमक ठुमक जब चले कन्हाई हाथ में लियो खिलौना।। कौन.
www.bhagwatkathanak.in // www.kathahindi.com
सर्वश्रेष्ठ भजनों की लिस्ट देखने के लिए नीचे लिंक पर क्लिक करें